زانکۆی ڕاپەڕین، بە بۆنەی یادی لەدایکبوونی مەسیح پێغەمبەر و سەری ساڵی زاینییەوە بە فەرمی یەک هەفتەی کرد بە پشوو

ئاراز ڕەمەزان، لێپرسراوی ڕاگەیاندن و پەیوەندییەکانی زانکۆی ڕاپەڕین بە ماڵپەڕی باس نیوزی ڕاگەیاندووە "بەو دوو بۆنەیەوە ئاگاداریی قوتابییانی زانکۆکەمان دەکەینەوە کە پشووی زستانە لەرۆژی 25/12/2016ەوە دەست پێ دەکات، تا ڕۆژی 2/1/2017 بەردەوام دەبێت و ڕۆژی 2/1/2017، دەوامی خوێندن دەست پێ دەکاتەوە.

هەروەها وتووشییەتی "بەڵام بۆ فەرمانبەرانی سەرۆکایەتیی و سەرجەم فاکەڵتی و کۆلێژەکانی زانکۆ تەنیا ڕۆژانی 25/12/2016 و 1/1/2017 پشوویان دەبێت و ڕۆژانی تر دەوامی ئاسایی دەبێت لە زانکۆکەمان".