دوێنێ بەهۆی بۆردومانی ناوچەیەكی موسڵ لەلایەن فرۆكەی بێ فرۆكەوانی داعش، رۆژنامەنوس عەبدولحەمید زێباری برینداربوو، كە ئێستا دۆخەكەی جێگیرە.

لەمبارەیەوە محەمەدتاهیر زێباری، برای عەبدولحەمید زێباری، ڕۆژنامەنووس و پەیامنێری کەناڵی (ئەلحوڕە)، بە رۆژنامەنوسانی ڕاگەیاند: "دوێنێ لە شاری موسڵ و لە مەزارگەی (نەبی یونس)، داعش لە ڕێگەی فڕۆکە بێ فڕۆکەوانەکانیەوە بۆردومانی ئەو ناوچەیان کردووە و بەو هۆیەوە عەبدولحەمید زێباری و کارمەندێکی دیکەی کەناڵەکە بەسەختی بریندار بوون”.

ئەوەشی ڕوون کردەوە کە ئێستا براکەی لە نەخۆشخانە لەژێر چاودێریی پزیشکیدایە و لە قۆناغی مەترسی دەرچووە و ڕەوشی تەندرووستی باشە.