پێشنیوەڕۆی ئەمڕۆ لەسەر ڕێگای چوارقوڕنە-ڕانیە ئۆتۆمبێلێک پاش ئەوەی لە هاوڵاتیەک دەدات وەردەگەڕێت و شۆفێری ئۆتۆمبێلەکەش بریندار دەبێت.
كاتژمێر ١١:٣٠ ی پێش نیوەڕۆ ئەمڕۆ لەسەر ڕێگای گشتی چوارقوڕنە -ڕانیە ئۆتۆمبێلێکی جۆری ئەڤەلۆن بەهۆی تیژڕەوی خۆی دەكێشێت بە هاوڵاتیەكی پیادەدا و پاشان وەردەگەڕێت .
لە ئەنجامی ئەم ڕووداوە هاوڵاتیەکە بەسەختی بریندار دەبێت و دەستبەجێ گواستراوەتەوە بۆ نەخۆشخانە و باری تەندروستی ناجێگیرە، هاوکات بەهۆی وەرگەڕانەوە شۆفێری ئۆتۆمبێلەكەش بریندارە و شۆفێر و پیادەكەش پێشمەرگەن.
بە وتەی شایەتحاڵان و شارەزایانی هاتوچۆش هۆكاری سەرەكی ڕووداوەكە دەگەرێتەوە بۆ تیژ ڕەوی.
ڕوداوەکانی هاتووچۆ بەردەوام ڕوویان لەزیادبوونە کارمەندانی هاتوچۆش داوادەکەن کە شۆفێران پابەندبن بە یاساو ڕێنماییەکانی هاتووچۆ تاکو دووربن لەهەر ڕوداوێکی نەخوازراو
ئا/ئەمیرحسن