بەڕێوەبەرایەتی پەروەردەی ڕۆژهەڵاتی سلێمانی داوا لە سەرجەم بەڕێوەبەری خوێندگاكان دەكات پەیوەندیان پێوە بكەن بۆ وەرگرتنی چەكی پارەی هاندانی مامۆستایان و وادەی دابەشکردنی ئەو پارەیەش کە وەک مووچە دابەشدەکرێت ڕاگەیەندرا.

لە ڕاگەیەندراوەکەی بەڕێوەبەرایەتی پەروەردەی ڕۆژهەڵاتی سلێمانی هاتووە "سەرجەم بەڕێوەبەری قوتابخانەو خوێندنگەكان ئاگادار ئەكەین كە ڕۆژی دوشەممە بەرواری ۳-۷-۲۰۱۷ كاتژمێر ۹:۳۰ خولەك سەردانی هۆبەی ژمێریاری موچە بكەن بۆ وەرگرتنی چەك و قائیمەی پارەی هاندان".

هاوکات پەروەردەی ڕانییە ڕایگەیاند "ئاگاداری ئەو مامۆستا گرێبەستانە دەکەینەوە کە بەهەر هۆیەک بێت پێش جەژن نەیان توانیوە بێن بۆ وەرگرتنی پارەی هادان و تا ئێستا وەریان نەگرتووە ، ئەتوانن ئەمڕۆ بەرواری 2/7/2017 سەردانی دیوانی پەوەردەی ڕانیە بکەن بەمەبەستی وەرگرتنی پارەی هاندان".
بەهۆی بایكۆتی دەوام لەلایەن مامۆستایانەوە حكومەتی هەرێم بڕیاریدا بڕی 100 هەزار دینار وەك هاندان بۆ مامۆستایانی ناو شار و بڕی 150 هەزار دینار بۆ مامۆستایانی دەرەوەی شار دابین بكرێت.