پەیامنێری "سپی میدیا" لەشوێنی ڕووداوەکەوە ڕایگەیاند ئۆتۆمبێلێک لەجۆری توێتا لە گەڕەکی سەرچناری شاری سلێمانی بەرامبەر سیتی سینەما وەرگەڕاوە.

ئاماژەی بەوەشدا شۆفێری ئۆتۆمێلەکە بەسەختی بریندار بووە و بەپەلە گەیەندراوەتە نەخۆشخانە.

ڕووداوەکانی هاتووچۆ ڕوو لە زیادبوونە و لە شەش مانگی سەرەتای ئەمساڵدا 92  کەس بەڕووداوی هاتوچۆ گیانیان لەدەستاوە و بەرپرسانی هاتوچۆش زۆری ڕووداوەکانی هاتوچۆ بۆ تیژڕەوی و پابەند نەبوونی شۆفێران بە یاساکانی هاتووچۆوە دەگێڕنەوە.