لەسەر سكاڵای هاوڵاتییەك، سەرۆكی شارەوانی كفری دەستگیر كرا و بەپێی زانیاریەکانیش ئەو بەرپرسە بە تۆمەتی وەرگرتنی بەرتیل دەستگیركراوە.
ئەمڕۆ دووشەممە 15ی ئاب لەسەر فەرمانی دادوەر، وەسفی عومەر سەرۆكی شارەوانی كفری دەستگیركرا.
بەپێی زانیاریەکان دەستگیركرنی ناوبراو، لەسەر سكاڵای هاوڵاتییەكی دانیشتوی كفری بووە.
هاوکات سەرچاوەیەک لە بەڕێوەبەرایەتی پۆلیسی گەرمیان بە "سپی میدیا"ی ڕاگەیاند "سەرۆكی شارەوانی كفری بەپێی مادەی ٣٠٧ لەیاسای سزادانی عیراقی، كە تایبەتە بە وەرگرتنی بەرتیل، دەستگیركراوە و لە بەشی گرتن و گواستنەوەی گەرمیان لە كەلار، بەندكراوە".