وەزارەتی پەروەردەی هەرێمی كوردستان پشووی سبەی شەممەی هەڵوەشاندەوەو، لە ١٤ی مانگەوە هەموو شەممەیەک دەکرێتە پشوو و دەچێتە بواری جێبەجێكردنەوە.
وەزارەتی پەروەردە لە ڕاگەیەندراوەكەدا، كە کۆپیەکی دەست سپی کەوتووە، تیایدا هاتووە" پشووی ڕۆژانی شەممە لە هەفتەی داهاتووەوە واتە لە ڕۆژی 14-10-2017 دەست پێ دەكات، سبەی دەوامی فەرمیە لە ناوەندەكانی خوێندندا".
لە راگەیاندراوەکەی وەزارەتدا هاتووە "سبەی شەممە دەوامی فەرمییە و لە هەفتەی ئایندەوە شەممەكان دەبنە پشوو".
هەڵوەشانەوەی ئەو رۆژ پشووە لە کاتێکدایە زۆرێک لە بەڕێوەبەرایەتی قوتابخانەکان بە قوتابییەکانیان راگەیاندووە کە شەممە ٧ ی تشرینی یەکەم پشووە.