هێزە ئەمنییەكانی كورد ژمارەیەك پێشمەرگەی خۆبەش لە خورماتو دەستگیر دەكەن‌و تۆمەتی بردنی چەك دەخەنە پاڵیان.

لەمبارەیەوە حاجی زوهدی، به‌رپرسی گروپێكی هێزه‌ خۆبه‌خشه‌كانی دووزخورماتوو، به‌رادیۆی ده‌نگی راگه‌یاند:"له‌دوای هاتنی حه‌شد و ئاواره‌بونی خه‌ڵكی خورماتوه‌وه‌، چه‌ند كه‌سێك له‌ كه‌سانی خۆبه‌خش گیراون له‌لایه‌ن هێزه‌ ئه‌منیه‌كانی كوردستانه‌وه‌و پاشان ئازاد كراون".
 
ئاماژه‌ی دا، من بۆ ماوه‌ی 72 سه‌عات راگیرام و دوێنێش هاوڕێه‌كی ترمان بۆماوه‌ی 3 ه‌عات گیراوه‌، هه‌روه‌ك تۆمه‌تی ئه‌وه‌مان ده‌ده‌نه‌ پاڵ كه‌ چه‌ك و ته‌قه‌مه‌نیمان بردبێت كه‌ راست نییه‌و شتی وه‌ها بونی نییه‌.
 
وتیشی: خۆبه‌خشه‌كان داكۆكییان له‌ شاره‌كه‌یان كردوه‌، به‌وپێیه‌ی چه‌ندین خۆبه‌خشی خورماتو له‌ شه‌ڕی داگیركردنی شاره‌كه‌دا شه‌هید و بریندار بون و ژماره‌یه‌كیش به‌دیل گیران.