سێ تۆمه‌تبار به‌ ئاڵتونی ساخته‌وه‌ ده‌ستگیركران

به‌تۆمه‌تی مامه‌ڵه‌كردن به‌ ئاڵتونی ساخته‌وه‌ دوو ژن و پیاوێك له‌ بازاڕی شاری سلێمانی ده‌ستگیركران.


پۆلیسی سلێمانی له‌ راگه‌یه‌ندراوێكدا رایگه‌یاندوه‌، به‌تۆمه‌تی مامه‌ڵه‌كردن به‌ ئاڵتونی ساخته‌وه‌ له‌ بازاڕی شاری سلێمانی دوو ژن و پیاوێك كه‌ به‌ ڕه‌گه‌ز عه‌ره‌بن ده‌ستگیركران.


ئاماژه‌ به‌وه‌شكراوه‌، كه‌ ئه‌و سێ كه‌سه‌ بڕێك ئاڵتونی ساخته‌یان پێبوه‌و به‌نیازبوون له‌ ناو بازاڕی شاری سلێمانی مامه‌ڵه‌ی كڕین و فرۆشتنی پێوه‌ بكه‌ن، دواتر له‌لایه‌ن مه‌فره‌زه‌كانی پۆلیسی سلێمانیه‌وه‌ ده‌ستگیركراون و ده‌ستگیراوه‌ به‌سه‌ر ئاڵتونه‌ ساخته‌كه‌شدا.




PM:01:11:23/11/2017