لەدوای شەپۆلی باران بارینی چەند ڕۆژی ڕابردوو بارستە هەوایەکی سارد ڕووی لە هەرێمی کوردستان کردووە و ئەمڕۆش لە چەند ناوچەیەکی هەرێمی کوردستان بەفر باری.
لە کاتژمێر ٥ ی بەیانییەوە بەفربارێنێکی زۆر لە ناوچە شاخاوییەکانی باشووری کوردستان دەستیپێکردووە تا ئێستا لە ناوچەکانی قەزای چۆمان و حاجی ئۆمەران بەفردەبارێت.
هەروەها لە سنوری بەرواری بالا کە ناوچەیەکی شاخاوییە، بەفر باریوە و لە هەندێک گوندی سنورەکە نزیکەی ٧ سانتیم بەفر باریوە
هاوکات لە سنوری قەزای ئاکرێ و لە چیای پیرس نزیکەی شەش سانتیم باریوە.
پێش دوور رۆژ لەمەوبەر بەڕێوەبەرایەتی گشتی کەشناسی هەرێم ئاماژەی بۆ بارینی بەفر لە رۆژی هەینیدا لەناوچە شاخاوییەکانی باشووری کوردستان کرد.