خۆپیشاندان لە هەولێر بەڕێوەچوو
بەبۆنەی رۆژی جیهانی كرێكارانەوە، حزبی شیوعی کوردستان لەشاری هەولێر گردبونەوەیەكی فراوانیان ئەنجامدا و جەختیان لەدەستەبەركردنی مافەكانی كرێكاران كردەوە.
لە بەیاننامەیەکدا کە وێنەیەکی دەست "سپی کەوتووە" حزبی شویعی کوردستان ئاماژە بەوەدەکات، بە بۆنەی ڕۆژی جیهانی کرێکاران داوای
چەسپاندنی مافی کرێکاران کە توێژێکی ماندووی کۆمەڵگا و لە بیرکراو دەکەین،
ئەویش بە هەموارکردنەوە و جێ بەجێکردنی یاساکانی تایبەت بە مافی کرێکاران.
هەر لە بەیاننامەیەکدا هاتووە، داواکارن هەریەکە لە یاسای کارو دەستەبەری
کۆمەڵایەتی کرێکاران هەمواربکرێتەوە، لەگەڵ ڕێکخستنەوەی شێوازی کارکردنی
کرێکارانی بیانی ، چونکە لە ئیستادا زۆر کات وەکو کۆیلە مامەڵەیان لە گەڵ
دەکرێ.
لە بەشێکی دیکەی بەیاننامەکەدا هاتووە، سیستەمی پاشەکەوتی مووچە لە سەر
مووچەی خانەنشینان و کرێکاران و کارمەندانی کەرتی گشتی هەڵبگیرێت و لە
هەمان کاتیشدا داوا دەکەن ، مووچە لە وادەی خۆیدا دابەش بکرێت ، چونکە ئەمە
کاریگەری هەبووە لە سەر ژیانی گشتی هاوڵاتیان.
ئەمەش لەکاتێکدایە ئەمڕۆ 1ی ئایار، بە رۆژی کرێکارانی جیهانی ناسراوەو هەموو ساڵێک بەو بۆنەیەوە لەسەرتاسەری جیهاندا خەبات و تێكۆشانی ئەو توێژە بەرز ڕادەگیرێت و کرێکاران داوادەکەن، مافەکانیان دەستەبەربکرێت.
PM:02:35:01/05/2018