سەلاحەدین دەمیرتاش كاندیدی پارتی دیموكراتی گەلان(هەدەپە) بۆ هەڵبژاردنی سەرۆكایەتی توركیا، سەروەت و سامانی خۆی بۆ رای گشتی ئاشكرا كرد.
سەڵاحەدین دەمیرتاش لەهەژماری خۆی لەتویتەر سەروەت و سامانی خۆی ئاشكرا كرد ئاماژەی بەوەدا، "خانوویەكم بە بەهای ٣٠٠ هەزار لیرەی توركی (نزیكەی ٦٧ هەزار و ٥٥٢ دۆلار) هەیە".
دەشڵێت،"ئۆتۆمبێلێكی مۆدێل ٢٠١٣ م هەیە كە نرخەكەی ٥٥ هەزار لیرەی توركییە (نزیكەی ١٢ هەزار و ٣٨٤ دۆلار)، هەروەك سەدان كتێب، هەزاران نامە و بڕوانامەیەك".
سەڵاحەدین دەمیرتاش هاوسەرۆكی پێشووی پارتی دیموكراتی گەلان (هەدەپە) ماوەی دوو ساڵە بە تۆمەتی پشتگیریكردن لە (پەكەكە) لەزینداندایە.