لە ئاگاداریەكدا، بەڕێوبەرایەتی گشتی كارەبای سلێمانی رایگەیاندووە، سەرەڕای ئەوەی گۆڕانكاری لە خشتەی پێدانی كارەبای موەلیدە ئەهلییەكان كراوە، بەڵام لەلایەن هاوڵاتیان ئاگاداركراوینەوەتەوە كە هەندێك لە خاوەن موەلیدەكان پابەند نەبوون بە كاركردنی 24 كاتژمێری و رۆژی هەینی كاریان نەكردوە، لەكاتێكدا رۆژی 30ی ئایار ئاگاداركراون كە لە 1/6/2018 هەر كاتێك كارەبای نشتیمانی كوژایەوە كار بە موەلیدەكانیان بكەن و كارەبا بە هاوڵاتیان بدەن

.

هەروەها هاتووە: دووبارە ئاگاداری خاوەن موەلیدەكان دەكەینەوە، كە هەركاتێك كارەبای نشتیمانی كوژایەوە، پێویستە ئەوان كار بە موەلیدەكانیان بكەن، نابێت هیچ موەلیدەیەكیش لە 15 خولەك زیاتر دوابكەوێت، بەپێچەوانەوە بەسەرپێچی دادەنرێت و سزا دەدرێت.