بەیانی ئەمڕۆ ١٥ حەزەیران لە گەڕەکی زەرگەتەی سلێمانی هاوڵاتییەک بە گوولە کوژرا.
سەردار مەحمود بەڕێوەبەری راگەیاندنی پۆلیسی سلێمانی لە لێدوانێکی رۆژنامەوانیدا رایگەیاند " بەیانی ئەمڕۆ هەینی هاوڵاتییەک سەردانی ماڵی كوڕەكەی كردووە لەگەڕەكی زەرگەتەی شاری سلێمانی و لەوكاتەدا بەر دەستڕێژی گوولە دەدرێت دەکوژرێت".
بەڕێوەبەری راگەیاندنی پۆلیسی سلێمانی ئاماژە بۆ ئەوە دەکات ئەو هاوڵاتییە کوژراوە تەمەنی 47 ساڵەو تا ئێستا هۆكاری كوشتنەكە نازانرێت و لێكۆڵینەوە لە رووداوەكە دەستیپێكردووە".