به‌ره‌به‌یانی‌ ئه‌مڕۆ له‌به‌حركه‌ی‌ هه‌ولێر كۆگایه‌كی‌ چه‌ك و ته‌قه‌مه‌نی‌ ته‌قیه‌وه‌و تائێستاش كۆنترۆڵی‌ ئاگره‌كه‌ی‌ نه‌كراوه‌.

ئه‌مڕۆ شه‌ممه‌ 30ی‌ حوزەیرانی‌ 2018 كۆگایه‌كی‌ گه‌وره‌ی‌ چه‌ك و ته‌قه‌مه‌نی‌ له‌ناوچه‌ی‌ به‌حركه‌ی‌ سه‌ر به‌پارێزگای‌ هه‌ولێر ته‌قیه‌وه‌و تائێستاش هۆكاری‌ ئه‌و ته‌قینه‌وه‌یه‌ نه‌زانراوه‌.

له‌ساڵی‌ ڕابردوه‌وه‌ تائێستا ئه‌مه‌ سێیه‌مجاره‌ كۆگای‌ چه‌ك و ته‌قه‌مه‌نی‌ له‌هه‌ولێر ده‌ته‌قێته‌وه‌و دوو جاری‌ پێشوش كۆگای‌ چه‌ك و ته‌قه‌مه‌نی‌ هێزه‌كانی‌ زێره‌ڤانی‌ بوه‌، به‌ڵام تائێستا نازانرێت ئه‌م كۆگایه‌ سه‌ر به‌كامه‌ هێزی‌ ئه‌منیه‌.