به‌ڕێوه‌به‌رایه‌تی‌ فه‌رمانگه‌ی‌ ئاوی سلێمانی‌ ڕایگەیاند، به‌هۆی شكانی بۆری‌ ئاوی هێڵی دوی (دوكان ـ سلێمانی) دابه‌شكردنی‌ ئاوی خواردنه‌وه‌ بۆ زۆربه‌ی‌ گه‌ڕه‌كه‌كانی‌ سلێمانی‌ بۆ ماوه‌ی‌ سێ ڕۆژ ڕاده‌گیرێت.

به‌ڕێوه‌به‌رایه‌تی‌ فه‌رمانگه‌ی‌ ئاوی سلێمانی ڕاگەیەندراوێکی بڵاوکردووەتەووە و تێیدا هاتووە به‌هۆی شكانی‌ بۆری‌ ئاوی هێڵی دوی (دوكان ـ سلێمانی‌) له‌نزیك فه‌رمانده‌یی، بۆ ماوه‌ی‌ سێ ڕۆژ دابه‌شكردنی‌ ئاو له‌به‌شێكی‌ زۆری‌ گه‌ڕه‌كه‌كانی‌ سلێمانی‌ و ته‌واوی ناوچه‌ی‌ قڕگه‌و قه‌زاو ناحیه‌كانی (چه‌مچه‌ماڵ، شۆڕش، ته‌كیه‌، بازیان، ئه‌ڵڵایی و پیره‌مه‌گرون) ئاویان نابێت".

ڕاشیانگەیاندووە"تیمه‌كانی‌ به‌ڕێوه‌به‌رایه‌تیه‌كه‌ له‌هه‌وڵی به‌رده‌وامدان تاوه‌كو به‌زوترینكات بۆریه‌كه‌ چاكبكرێته‌وه‌و دابه‌شكردنی‌ ئاوی خواردنه‌وه‌ بۆ هاوڵاتیان ئاسایی بێته‌وه‌".

`