به‌ڕێوه‌به‌ری گشتی په‌روه‌رده‌ی سلێمانی ڕایگەیاند رۆژی 22-9-2018 ساڵی نوێی خوێندنی 2018-2019 ده‌ست پێدەکاتەوە.

دڵشاد عومه‌ر، به‌ڕێوه‌به‌ری گشتی په‌روه‌رده‌ی سلێمانی بە ماڵپەڕی وێستگەی وتووە ، رۆژی 22-9-2019 یه‌كه‌م رۆژی ساڵی نوێی خوێندنه‌.

سه‌باره‌ت به‌ كاریگه‌ری هه‌ڵبژاردنی په‌رله‌مانی كوردستان له‌ ئه‌گه‌ری ئه‌نجامدانی له‌ 30ی ئه‌یلول بۆ قوتابخانه‌كان، ئەو بەرپرسەی پەروەردە وتوویەتی : "ئه‌وه‌نده‌ی ده‌بینم له‌ كۆبوونه‌وه‌ی سیاسییه‌كان و میدیاكان پێشبینی دواخستنی هه‌ڵبژاردن ده‌كرێت، ئه‌گه‌ریش دوانه‌خرێت كۆمسیۆن دوو رۆژی پێویسته‌، ئه‌و دوو رۆژه‌ ده‌وام راده‌گیرێت".

ڕاشیگەیاندووە، ئێستا له‌ سنووره‌كه‌یان هه‌زار و 746 بینایان هه‌یه‌ كه‌ دوو هه‌زار و 500 ده‌وامی تێدا ده‌كرێت و هه‌ندێكیشیان دوو ده‌وامن، جگه‌ له‌وه‌ش پێویستیان به‌ نزیكه‌ی 200 قوتابخانه‌ی دیكه‌یه‌ كه‌ هه‌ندێكیان له‌لایه‌ن خێرخوازانه‌وه‌ دروستكراون.