کاتژمێر 1:15 خولکی ئەمشەو بومەلەرزەیەکی بەهێز ڕۆژهەڵاتی کوردستان و عێراق و هەرێمی کوردستانی گرتەوە و برینداری لێکەوتەوە.

بەپێی هەواڵی ماڵپەرە جیهانیەكان  گچەقی بومەلەرزەكە  بە دووری 30 كیلیۆمەتر  ناوچەكانی كرمانشای ئێرانی گرتۆتەوە   پلەكەی 6.2 پلە بوە بە پێوەری رێكختەر ، بەڵام تا ئێستا گوری بومەلەرزەكە لە ناوچەكانی هەرێمی كوردستان دیاری نەكراوە.

بەپێی زانیارییەکان میدیاکانی ڕۆژهەڵاتی کوردستانیش، لەدوای بومەلەرزەکەوە لە بەشێک لە  ناوچەی تازە ئاباد و شاخی داڵەهۆ و جوانڕۆ و تەواوی گوندەکانی بناری داڵەهۆ تەزووی کارەبا بچڕاوە.

میدیاکانی ڕۆژهەڵاتی کوردستانیش ئەوەشیان خستەڕوو، بەهۆی کەوتنە خوارەوەی وردە بەرد لە سەقفی خانووەکان لە شارەکانی مەریوان و ڕەوانسەر و جوانرۆ و سەرپێل زەهاو، چەندین هاوڵاتی برینداربووە و لە ئێستادا لە نەخۆشخانەکانی ئەو شارانە چارەسەر وەردەگرن.

هەر بە گوێرەی زانیاریەکان لە زۆربەی شار و شارۆچكەكانی هەرێمی كوردستان ، هاوڵاتیان هەستیان بە بومەلەزەكە كردوە ، بەڵام  تا ئێستا نەزانراوە كە زیانی گیانی و ماددی بە دواوەبوە یاخود نا.