دیوانی پەرلەمانی کوردستان ڕوونکردنەوەیەکی لەسەر دواکەوتنی کۆبوونەوەکانی پەرلەمان بڵاوکردووەتەوە و ئاشکراشی کردووە هەفتەی داهاتوو کۆدەبنەوە.

لە ڕوونکردنەوەکەی دیوانی پەرلەماندا هاتووە "بە هۆی نوێژەنكردنەوەی سیستەمی كارەبا و دەنگ لە نێو هوڵی پەرلەمانی كوردستان و چاكردنەوەی كەموكورییانی نێو هوڵەكە، دانیشتنەكانی پەرلەمانی كوردستان چەند رۆژێكە دواكەوتوون".

هەر لەو ڕوونکردنەوەیەدا هاتووە لە هەفتەی داهاتوودا هوڵی دانیشتنەكان ئامادەدەبێت و پەرلەمان دەست بە دانیشتنەكانی ئاسایی خۆی دەكات.