گەنجینەكان لیستێكی موچە ئاڕاستەی بانكە بازرگانیەكان دەكەن و "سپی"ش ئەو وەزارەتانە ئاشكرادەكات كە هەفتەی داهاتوو موچە وەردەگرن.
سەرچاوەیەك لە بانكی ناوەندی هەرێم بە "سپی میدیا"ی ڕاگەیاند گەەنجینەكان لیستێكی نوێی مووچەیان ئاراستەی بانكەكان كردووە و پێیانڕاگەیەنراوە سبەی پێنجشەممە 13ی ئەیلول مووچەی وەزارەتی خوێندنی باڵاو توێژینەوەی زانستی دابەشبكەن.
لەو لیستەدا ئاماژە بەوەشكراوە كە رۆژانی یەكشەممە و دووشەممەی هەفتەی داهاتوو مووچەی وەزارەتەكانی ئاوەدانكردنەوەو نیشتەجێبوون و رێگاوبان، كشتوكاڵ دابەشبكرێت.
هەفتەی ڕابردوو دابەشكردنی موچەی مانگی شەش (حوزەیرا) دەستیپێكردوو تا ئەمڕۆ هەریەكە لە وەزارەتەكانی پێشمەرگە و پەروەردە و تەندروستی و دارایی موچەیان وەرگرتووە.
ئەوە دووەمین مانگە وەزارەتی دارایی بەبێ هیچ ڕاگەیاندراوێكی فەرمی، مووچەی فەرمانبەران دابەش دەكات، بەڵام تاوەكوو ئێستا فەرمانبەران بە تەواوەتی ئەو ڕۆژە نازانن كە تێیدا مووچەی مانگانەیان وەردەگرن.