ئەمینداری یەکگرتووی ئیسلامی رایدەگەیەنێت سەرۆكایەتی كۆمار پشكی كورد.
سەلاحەدین بەهادین ئەمینداری یەکگرتووی ئیسلامی کوردستان لە کۆبوونەوەیەکی لەگەڵ لایەنگرانی حیزبەکەی لە کۆیە دەڵێت" سەرۆكایەتی كۆمار پشكی كوردە و ئیتستحقاقە و ئەبێ هێزە سیاسیەكان پێكەوە پاڵێوراوێك بۆ ئەم پۆستە دیاری بكەن و بەنەتجیەكەشی رازی ببن.. رەوا نیە ئەم پۆستە ململانێی لەسەر بكرێت و هەرێمەكەمان بخاتە ژێر پرسیارەوە".
لەو کۆبوونەوەیەدا ئەمینداری یەکگرتوو راشیگەیاند " یەکگرتوو دەستی لە دزی و كاوڵكاری و بەهەدەردانی سامانی سەرزەوی و ژێر زەویی نیە و خوا ئەیپارێزێ.. یەكگرتوو فیكر و مەعریفەكی تایبەتە و نەیارەكانی ئەمڕۆ بێ یاخود بەیانی ئەبێ بیناسن.. بەرەو ئیصلاح لیستی ژمارە 119لیستی هەموو ئیصلاحخوازانی كوردستانە".
لەگەڵ نزیکبوونەوەی رۆژی هەڵبژاردن کە ٣٠ ئەیلولە هەڵمەتی هەڵبژاردن بەرەو گەرمی دەڕوات و سەرکردەو سەرۆکی لیستەکان هێرش دەکەنە سەر یەکتری.