وەزارەتی دارایی لە ٤ ی تشرینی دووەمەوە دەست دەکات بە دابەشکردنی مووچەی مانگی ئابی مووچەخۆرانی هەرێم.

سەرچاوەیەک لە وەزارەتی دارایی حکومەتی هەرێمەوە بە سپی، راگەیاند" بڕیارە وەزارەتی دارایی و ئابوری حکومەتی هەرێم لە ٤ ی تشرینی دووەمەوە دەستدەکات بە دابەشکردنی مووچەی مانگی ئاب".

ئەو سەرچاوەیە وتی " سەرەتا مووجەی مانگی ئابی وەزارەتی پێشمەرگە دەدرێت، دواتر مووچەی وەزارەتی پەروەردە دەدرێت".

ئەو سەرچاوەیە ئاشکرای کرد دوای ئەو دوو وەزارەتە مووچەی وەزارەت و دەستەکانی تر دەدرێت.

لە هەواڵێکی میدیاکاندا دوێنی وەزارەتی دارایی حکومەتی هەرێم  رایگەیاند، ئەو سێ مانگەی کە مووچەی مووچەخۆرانی هەرێم نەدراوە، پاشەکەوت دەکرێت.