وا بڕیارە لە مانگی داهاتوودا بۆ جاری چوارەم شاجوانی كوردستان هەڵبژێردرێتەوە.
سیروان تۆفیق، بەڕێوەبەری بەبازاڕكردن لە دەستەی گشتی گەشتوگوزاری هەرێمی كوردستان بە دواڕۆژی وتوووە ساڵی رابردوو بەهۆی تێكچوونی دۆخی سیاسی و ئاوارەبوونی خەڵكەوە شاجوان هەڵنەبژێردرا، بەڵام ئێستا هەرێمی كوردستان لە دۆخێكی سەقامگیردایە و لەبواری گەشتوگوزاریش دەتوانێت ببێتەهۆی راكێشانی گەشتیاران، بۆیە ئەمساڵ شاجوان هەڵدەبژێرێت".
ڕاشیگەیاندووەئەركی گەشتوگوزارە لەڕێگەی سەرپەرشتی چالاكی جۆراوجۆرەوە دڵنیایی بداته گەشتیاران و كۆمپانیاكانی بواری گەشتیاری بیانی بۆ ئەوەی سەردانی كوردستان بكەن و هەمیش وەبەرهێنان بكرێت لەكەرتی گەشتیاری و بەمەبەستی بوژاندنەوەی زیاتری ئەم كەرتە.
ڕوونیشی کردوەتەوە ئەمساڵ تەنها كچانی هەرێمی كوردستان بەشداریدەكەن و ماوەی نزیكەی هەفتەیەكە پڕكردنەوەی فۆڕم لەڕێگەی ئۆنلاین دەستی پێكردووە.
سەبارەت بە مەرجەکانیش دەڵێت مەرجەكانی ئەمساڵ-یش ئەوەیە ئەو كچەی بەشدار دەبێت تەمەنی لە 18 ساڵ كەمتر نەبێت، لە 30 ساڵیش زیاتر نەبێت، هەروەها ئەو كچەی بەشداری دەكات نەچووبێتە ژیانی هاوسەرییەوە و باڵای گونجاو بێت و بڕوانامەی هەبێت و ئاستی رۆشنبیری باش بێت.