مەكتەبی سیاسی پارتی دیموكراتی كوردستان بۆ تاوتوێكردنی پێكھێنانی كابینەی نوێی حكوومەتی ھەرێمی كوردستان و رێككەوتنی لەگەڵ هەردوو لایەنی یەكێتی و گۆڕان كۆدەبێتەوە.
بەپێی زانیارییەكان بڕیارە ئەمڕۆ مەكتەبی سیاسی پارتی دیموكراتی كوردستان كۆببێتەوە، لە كۆبوونەوەكەدا، رێككەوتن لەگەڵ گۆڕان و یەكێتی لەبارەی یاسای سەرۆكایەتی ھەرێمی كوردستان تاوتوێ دەكرێت.
لە کۆوونەوەکەدا تاوتوێی قۆناغەكانی پێكھێنانی كابینەی نوێی حكوومەتی ھەرێمی كوردستان و رێككەوتنی كۆتایی لەگەڵ لایەنەكان دەكرێت.
ئەو کۆبوونەوەیە دوای ئەوەدێت فازڵ میرانی، سكرتێری مەكتەبی سیاسی پارتی رایگەیاندبوو "ڕەنگە لەم یەك دوو ھەفتەیە كابینەی نوێی حكوومەتی ھەرێمی كوردستان پێكبھێندرێت و بگەن بە رێككەوتنی كۆتایی".