دامەزراوە فەلەكییەكان پێشبینی دەکەن، شەوی سێ شەممە دیاردەی مانگ گیران لە ئاسمانی هەرێمی كوردستان ڕوودەدات.
ماڵپەڕی (گقس العربی) ئەو مانگ گیرانەی کە شەوی سێ شەممە روودەدات لە وڵاتانی ئەوروپا و عەرەبی و بەشێكی ئاسیا و ئەفریقا و بەشێكی ئەمریكای باكور و باشوور و زەریای هێمن و ئەتڵەسی و هندی دەبینرێت و لە زیاتر لە 5 كاتژمێر دەخایەنێت.
ئەو ماڵپەڕە ئاشکرای دەکات کە ئەو مانگیرانە لە 09:44 خولەك دەستپێدەكات و تا 03:17 خولەكی بەرەبەیان دەخایەنێت.
هەروەها ماڵپەڕێكی بواری كەشناسی و فەلەكی بڵاویانكردۆتەوە، شەوی سێ شەممە لەسەر چوار شەممەی ئەم هەفتەیە 16 لەسەر 17-7-2019 لە كاتژمێر 09:55 خولەكی شەو دیاردەی مانگ گیرانی كەرتی (نیمچە مانگ گیران) لە ئاسمانی هەرێمی كوردستان ڕوودەدات.