کفری.. فەرمانگەی کارتی نیشتیمانی کرایەوە

‌

ئەمڕۆ یەک شەممە ڕێکەوتی ٢٢ ی ئەیلولی ٢٠١٩ لە قەزایی کفری لە سنوری ئیدارەی گەرمیان، بۆیەکەم جار کارتی نیشتیمانی کرایەوە.

عەمید محەمەد عەبدوڵا، بەڕێوەبەری فەرمانگەی ڕەگەزنامەی گەرمیان، لە ڕاگەیەندراوێکدا ڕایگەیاند" ئەمڕۆ یەكشەممە لە شاری كفری فەرمانگەی كارتی نیشتمانی كرایەوە ئەگەرچی بڕیار بوو ڕۆژی پێنج شەممە ١٩ ی ئەیلولی ٢٠١٩ ئەم فەرمانگە بكرێتەوە، بەڵام كردنەوەی كەوتە ئەمڕۆ".

تا ئێستا ٤٣٦٥٠ هاووڵاتی لە سنووری ئیدارەی گەرمیان بوونەتە خاوەنی كارتی نیشتمانی و بەرپرسانی بەڕێوەبەرایەتیی ڕەگەزنامە و باری شارستانیی سنوورەكەش لە هەوڵی ئەوەدان توانای فەرمانگەكانی كارتی نیشتمانی بەرزتر بكەنەوە، فەرمانگەی كارتی نیشتمانیی كفری لە توانایدایە ڕۆژانە ١٢٥بۆ١٥٠ مامەڵەی دەرهێنان ڕایی بكات.  

ئیدارەی گەرمیان ناوچەیەکی بەرفراوانە دەکەوێتە باشوورو باشووری رۆژھەڵاتی ھەرێمی کوردستان، ئاو وھەوایەکی گەرم و وشکی ھەیە، ناوچەیەکی تەخت و ڕووتەنە، شارەکانی کەرکووک، کەلار، کفری، چەمچەماڵ، دووزخورماتوو، خانەقین، جەلەولا، مەندەلی و بەدرە دەگرێتەوە. 
 



PM:04:10:22/09/2019






ئەستێرەکان

Spee Media