بڕیارە سبەی شاندێکی پەرلەمانی کوردستان سەردانی بەغداد بکات

‌

بڕیارە کە سبەی چوارشەممە ڕێکەوتی ٢٤ ی ئەیلولی ٢٠١٩ وەفدێکی پەرلەمانی کوردستان سەبارەت بەپرسی بوودجەی ساڵی ٢٠٢٠ و نەوت و ماددەی ١٤٠ سەردانی بەغداد بکات و لەگەڵ پەرلەمانی کوردستان کۆببنەوە. 

 ئەمڕۆ سێ شەممە ٢٣ ی ئەیلولی ٢٠١٩ محمەد سەعدەدین، بڕیاردەری لیژنەی دارایی لە پەرلەمانی کوردستان ڕایگەیاند" سبەی ئێوارە شاندێکی پەرلەمان بەسەرۆکایەتی جێگری سەرۆکی پەرلەمانی کوردستان سەردانی بەغداد دەکات، ڕۆژی پێنج شەممەش ٢٥ ی ئەیلولی ٢٠١٩ شاندەکە دەچێتە پەرلەمانی عێراق و تاوتوێی پڕۆژە بوودجەی ساڵی ٢٠٢٠ ی عێراق و کێشەی نەوت و کێشەی ناوچە کوردستانییەکانی دەرەوەی هەرێم دەکرێت". 

هەروەها بەپێی زانیارییەکان ھێمن ھەورامی سەرۆکی شاندی پەرلەمانی کوردستان و ھەر یەک لە سەرۆک لیژنەکانی دارایی و ئابووری و وزە و سامانە سروشتییەکان و لیژنەی ناوچە کوردستانییەکانی دەرەوەی ئیدارەی ھەرێمی کوردستان ئەندامی شاندەکە بن.
 



PM:02:11:24/09/2019






ئەستێرەکان

Spee Media