"پێشنیاری یه‌ك لیستی له‌كه‌ركوك و ناوچه‌ جێناكۆكه‌كانی تر هی پارتی بوو "

‌


ئه‌ندامی ئه‌نجومه‌نی سه‌ركردایه‌تی پارتی دیموكراتی كوردستان و به‌رپرسی مه‌كته‌بی هه‌ڵبژاردن بەدەنگی ئەمریکای ڕاگەیاند" پێشنیاری یه‌ك لیستی كورد له‌ كه‌ركوك و ناوچه‌ كێشه‌ له‌سه‌ره‌كانی تر هی پارتی دیموكراتی كوردستان بوو، ئه‌گه‌ر بگه‌ڕێینه‌وه‌ بۆ مانگێك له‌مه‌وبه‌ر له‌ كۆبونه‌وه‌ی مه‌كته‌بی سیاسی پارتی بڕیاردرا" ئه‌گه‌ر كورد به‌شداری هه‌ڵبژاردنه‌كانی كرد له‌ناوچه‌ جێ ناكۆكه‌كان به‌یه‌ك لیست بێت یا به‌یه‌ك ده‌نگ به‌شداری هه‌ڵبژاردن نه‌كه‌ن". 

سه‌باره‌ت به‌وه‌ی به‌ده‌ر له‌به‌رژه‌وه‌ندی گشتی كورد، كام لایه‌ن له‌و هاوپه‌یمانێتیه‌ كوردییه‌ براوه‌ و قازانجی یه‌كه‌م به‌ده‌ست ده‌هێنێت؟ خەسرۆ گۆران بەدەنگی ئەمریکای ڕاگەیاند"  له‌ناوچه‌یه‌ك بۆ ناوچه‌یه‌كی تر جیاوازه‌، بۆ نمونه‌ له‌ نه‌ینه‌وا له‌ لەسەدا ٧٠ ی ده‌نگه‌كان بۆ پارتیه‌، له‌كه‌ركوك به‌پێچه‌وانه‌وه‌یه‌ له‌وانه‌یه ‌لەسەدا ٦٠  بۆ سەدا ٦٥ ی بۆ یەکێتی بێت". 

هاوکات ئه‌ندامەکەی ئه‌نجومه‌نی سه‌ركردایه‌تی پارتی دیموكراتی كوردستان و به‌رپرسی مه‌كته‌بی هه‌ڵبژاردن دەشڵێت: له‌ كه‌ركوك لیسته‌ كوردییه‌كه‌ بۆی هه‌یه‌ ٢٦ کاندیدی هه‌بێت، له‌موسڵ ده‌توانین چل و هه‌شت كاندیدمان هه‌بێت بێگومان له‌كه‌ركوك زۆرترین كاندیده‌كان به‌ر یه‌كێتی ده‌كه‌وێت له‌ موسڵیش به‌ر پارتی ده‌كه‌وێت وه‌ لایه‌نه‌كانی تریش كاندیدییان ده‌بێت له‌ناو لیسته‌كه‌ به‌ڵام هه‌یانه‌ له‌وانه‌ كاندیدی نابێت. 

خەسرۆ گۆران جەختیشی کردەوە: ١٦ ی ئۆكتۆبه‌ر كاریگه‌ری هه‌یه‌ له‌سه‌ر ده‌نگی كورد، یه‌كه‌م، پارێزگاری ئه‌و شاره‌ كورد نیه‌، ئه‌نجومه‌نی پارێزگا له‌كاركه‌وتووه‌ ئاسایش له‌وێ نیه‌، پێشمه‌رگه‌ی لێ نیه‌، پارێزگار ته‌عریب ده‌كات، عه‌ره‌بی هاورده‌ی هێناوه‌ له‌وانه‌یه‌ ساخته‌ بكرێت وه‌ ئه‌و عه‌ره‌بانه‌ی هێناویانن به‌شداری بكه‌ن له‌هه‌ڵبژاردن به‌شێوه‌یه‌ك له‌شێوه‌كان، ئاواره‌مان هه‌یه‌ له‌هه‌ولێر و شاره‌كانی تر كه‌ناتوانن ده‌نگ بده‌ن بۆیه‌ ده‌بێت هه‌موو ئاسانكارییه‌ك بكرێت تا ئه‌و خه‌ڵكه‌ بتوانن ده‌نگ بدات.
 



AM:10:30:02/10/2019






ئەستێرەکان

Spee Media