ئەنجامی وەرگرتنی زانکۆلاین ڕادەگەیەندرێت

‌


کەمێک پێش ئێستا وەزارەتی خوێندنی باڵاو توێژینەوەی زانستی لە ڕاگەیەندراوێکدا ڕایگەیاند" کاتژمێر دووی پاشنێوەڕۆی ئەمڕۆ ئەنجامی دەرچوانی خوێندکارانی قۆناغی ١٢ ی زانکۆ و پەیمانگاکان ڕادەگەیەندرێت".

 هەر لە ڕاگەیەندراوەکەدا ئاماژە بەوەشکرا: رۆژی ٢٦ی ئایاری ئەمساڵ بە بەشداری ١١٦ هەزار خوێندکاری پۆلی ١٢ی ئامادەیی تاقیکردنەوەی ئەزموونە گشتییەکان لە هەردوو بەشی زانستی و ئەدەبی دەستیپێکرد و رۆژی ١٦ی حوزەیرانیش کۆتایی هات، لەو رێژەیەش ٥١ هەزار و ٩٣٣ خوێنداکار لە هەردوو بەش دەرچوون. 

هاوکات وەزارەتی خوێندنی باڵاو توێژینەوەی زانستی ڕاشیدەگەیەنێت: ساڵی رابردووش ٥٤ هەزار خوێنداکاری پۆلی ١٢ی ئامادەی داواکاریان بۆ وەرگرتن پێشکەش کردبوو، لەو رێژەیەش نزیکەی ٢٧ هەزار خوێندکار لە زانکۆ و پەیمانگا حکومییەکان وەرگیران، کەمترین کۆنمرەی وەرگرتنیش ٦٠ پۆینت ١٤ بوو. 
 



PM:12:59:08/10/2019






ئەستێرەکان

Spee Media