سووپای سووریا گەیشتە مەنبج

‌


بەپێی ئەو ڕێکەوتنەی دوو ڕۆژ لەمەوبەر لەنێوان بەڕێوەبەری خۆسەر و حکومەتی سووریا ئەنجامدرا، کە سووپای سووریا بەسەر خاڵە جێناکۆکەکانی نێوان تورکیا و سووریا دابەشبێت، بەگوێرەی زانیارییەکان ئەمڕۆ سێ شەممە هێزەکانی سووپای سووریا گەیشتنە شاری مەنبج. 

لەلایەکی تریشەوە نەخۆشخانەی تەلتەمر کەمێک لەمەو پێش لە ڕاگەیەندراوێکدا ئاماری قوربانییەکانی شەش ڕۆژ لەمەوپێشی بڵاوکردەوە و ڕایگەیاند" لە ناوچەی تەلتەمر ٧٨ کەس شەهید بوون، ٣٠٠ کەسیش بریندار بوون کە زۆربەیان هاوڵاتی مەدەنی بوون، هەروەها نزیکەی ٢٧٥ کەسیش ئاوارەبوون".

هاوکات ڕۆژی ١٣ی تشرینی یەکەم بەڕێوەبەری خۆسەر بەیانی رێککەوتنی نێوان خۆیان و حکومەتی سوریای بڵاوکردەوە و ڕایگەیاند" کە رێککەوتنیان لەگەڵ حکومەتی سوریا ئەنجام داوە".

هەروەها لە بەیانەکەدا ئاماژە بەوەشکرا:  کە ئەرکی حکومەتی سوریایە کە پارێزگاری لە سنوری وڵات بکات و سەروەریەکەی بپارێزێت و، سوپای سوریا و هێزەکانی لەسەر سنوری تورکیا بڵاوە پێبکات شانبەشانی هێزەکانی سوریای دیموکراسی، بۆئەوەی بەرپەرچی ئەو لەشکرکێشیەیەی تورکیاو بەکرێگیراوەکانی بداتەوە. 

ڕۆژی نۆی ئەم مانگە سوپای تورکیا بە پاڵپشتی گروپە چەکدارەکانی نزیک لە تورکیا ئۆپەراسیۆنی سەربازی ئاسمانی و دواتریش زەمینی بۆ سەر ناوچەکانی رۆژهەڵاتی فورات دەستپێکردوە، کە لە ژێر کۆنتڕۆڵی هێزەکانی سوریای دیموکرات "هەسەدە" دایە.
 



PM:12:39:15/10/2019






ئەستێرەکان

Spee Media