"مەزڵوم عەبدی تاکە کەسی بیانی بووە ئاگاداری ئۆپەراسیۆنەکەی دژی بەغدادی بووە"

‌


ماڵپەڕی فۆرن پـۆڵسی، ڕاپـۆرتێکی لە بارەی ئۆپەراسیۆنەکەی ئەمەریکا لە دژی ئەبو بەکر ئەلبەغدادی ڕێبەری داعش بڵاوکردووەتەوە و ڕایگەیاند" جەنەڕال مەزڵوم کۆبانێ، فەرماندەی گشتی هێزەکانی سووریای دیمووکرات "هەسەدە"  تاکە کەسی بیانی بووە ئاگاداربووە ئامانجی ئۆپەراسۆنەکە ئەبوو بەکر بەغدادییە".


فۆرن پـۆڵسی لە ڕاپۆرتەکەیدا ئەوەشی خستۆتەڕوو: کاربەدەستێک لە بەڕێوەبەراتی ئەمەریکا ووتویەتی دەزگای "سی ئای ئەی" زانیاریـیەکانی لە بارەی بەغدادی کۆکردووەتەوە بە یارمەتی هێزە کوردیـیەکانی سووریا و دۆستانی ئەمەریکا لە ناوچەکە، لەوانە هەرێمی کوردستان.


بەپـێی کاربەدەستانی کوردی سوریا و ئەمەریکا هێزەکانی سوریای دیموکرات بۆ ماوەی پـێنج مانگ لەگەڵ حکومەتی ئەمەریکا کاریان کردبوو بۆ کۆکردنەوەی زانیاری لە بارەی شوێنی بەغدادی. جەنەڕاڵ مەزڵوم عەبدی لە ڕێگەی وەرگێڕێکەوە بە فۆرن پـۆڵسی وتووە ئەو تاکە کەسی بیانی بووە بە ئامانجی ئۆپەراسیۆنەکەی زانیبوو. کاربەدەستێکی باڵای ئەمەریکا قسەکەی جەنەڕاڵ مەزڵوومی بۆ فۆرن پـۆڵسی پـشتڕاستکردەوە.


 
 



AM:09:03:28/10/2019






ئەستێرەکان

Spee Media