ئەنجامەکانی ماستەرو دکتۆرا رادەگەیەنرێت

وەزارەتی خوێندنی باڵاو توێژینەوەی زانستی ئەنجامی كۆتایی تاقیكردنەوەی ماستەرو دكتۆرای پەسەندكردو، سبەی بە ئۆنلاین ئەنجامەكان رادەگەیەنرێت.

لە راگەیەندراوێكدا كە وێنەیەكی دەست " سپی " کەوتووە ، تیایدا هاتووە"وه‌زیری خوێندنی باڵا و توێژینه‌وه‌ی زانستی، سەرکەوتنی گه‌وره‌ترین پڕۆسه‌ی خوێندنی ماسته‌رو دكتۆرای له‌ زانكۆكانی كوردستان راگەیاندو وتی: له‌م پڕۆسه‌یه‌دا كه‌ به‌ گه‌وره‌ترین پڕۆسه‌ی خوێندنی باڵا له‌ كوردستان داده‌نرێت، له‌ كۆی (4938) كورسی ماسته‌رو دكتۆرا، (3685) پێشکەشکار له‌ خوێندنی ماسته‌رو دكتۆرا وه‌رگیراون، کە دەکاتە ڕێژەی (75%) کورسییە تەرخانکراوەکان."

هەروەها لەراگەیەندراوەكەدا هاتووە"ئەمڕۆ ئارام محەمەد قادر سەرۆکی ئەنجومەنی وەزارەت لەگەڵ ئەنجومەنی وەزارەت كۆبوەوە و تیایدا ئەنجامی خوێندنی باڵا بۆ ساڵی خوێندنی (2019-2020) پەسەندکرا."

وەزارەتی خوێندنی باڵا باس لەوەش دەکات"ئارام محەمەد قادر سەبارەت بە پەسەندكردنی ئەنجامی تاقیكردنەوەی ماستەرو دكتۆرا ڕایگەیاند: دوای ته‌واوبونی قۆناغه‌كانی پرۆسه‌ی پێشكه‌شكردن و ئه‌نجامدانی تاقیكردنه‌وه‌ی توانستی زانستی و ڕێکخستنی کێبڕکێ و پەیڕەو کردنی سیسیتمی خاڵبەندی بۆ خوێندنی دبلۆمی باڵا و ماسته‌ر و دكتۆرا له‌ زانكۆكانی هه‌رێمی كوردستان بۆ ساڵی (2019-2020)، ئه‌مرۆ ئەنجومەنی وەزارەت ئەنجامەکانی پەسەند کرد و خوازیاران ده‌توانن لە سبەینێوە ئه‌نجامه‌كان له‌سه‌ر وێباستی ڕەسمی زانكۆكانیان وه‌ربگرنه‌وه‌."

له‌ كۆی (4938) كورسی خوێندنی ماسته‌رو دكتۆرا، (3685) پێشکەشکار له‌خوێندنی ماسته‌رو دكتۆرا وه‌رگیراون، هاوکات (204) وه‌رگیراو کە بریتیین له‌ كه‌سوكاری سه‌ربه‌رزی پلە یه‌كی شه‌هیدان و ئه‌نفالكراوان و، (7) وه‌رگیراوی نابینا به‌ رێژه‌ی (100%) وەرگیراون.

هەر بەگوێرەی راگەیەندراوەكە، کۆی گشتی وه‌رگیراوانی ماسته‌رو دكتۆرا بریتییه‌ له‌ رێژه‌ی (75%) کورسیە تەرخانکراوەکان، کە ئه‌م ڕێژه‌ی وه‌رگیرانه‌ش یه‌كانگیره‌ له‌گه‌ڵ توانای مرۆیی و زانستی و مادی زانكۆكانی كوردستان و ته‌واوكه‌ری پێداوستی بازاری كاری كوردستانه‌ به‌ هه‌ردو کەرتی گشتی و تایبه‌ت."

له‌ هه‌مانكاتدا و له‌ پرۆسه‌یه‌كی دیكه‌دا، له‌سه‌ر بریاری ئه‌نجومه‌نی وه‌زاره‌تی خوێندنی باڵا، خوێندنی دبلۆمی باڵای یه‌ك ساڵه‌ی ئه‌كادیمی له‌ ژماره‌یه‌ك له‌ زانكۆكانی كوردستان كرایه‌وه‌ به‌ مه‌به‌ستی به‌رزكردنه‌وه‌ی تكێرای نمره‌ (تحسین معدل)ی بروانامه‌ی به‌كالۆریۆس بۆ ئه‌و خوازیارانه‌ی كه‌وا تێكرای نمره‌ی به‌كالۆریۆسیان له‌ (60%) كه‌متره‌ تاوه‌كو دوای ته‌واوكردنی خوێندنی دبلۆمی باڵای یه‌ك ساڵه‌ی ئه‌كادیمی بتوانن درێژه‌ به‌ خوێندنی ماسته‌ر له‌ زانكۆكانی كوردستان بده‌ن، بۆ ئه‌م ئه‌مه‌ش (395) خوازیار له‌ خوێندنی دبلۆمی باڵای یه‌ك ساڵه‌ی ئه‌كادیمی وه‌رگیران.

هەر لە كۆبونەوەكەدا ئەم بڕیارانە دراون:

1-پەسەندکردنی ئەنجامەکانی خوێندنی باڵا بەھەردوو ئاستی ماستەر و دکتۆرا وەک خۆی لە چوارچێوەی ڕێنماییەکان.
2-پەسەندکردنی ئەنجامەکانی دبلۆمی بالای یەک ساڵەی ئەکادیمی بۆ مەبەستی بەرزکردنەوەی کۆنمرەی بەکالۆریۆس لە چوارچێوەی رێنماییەکان.
3-مانگی شەشی ئەمساڵ (حوزەیرانی 2020) خولێکی دیکەی خوێندنی دبلۆمی باڵا و ماستەر و دکتۆرا لە زانکۆکانی کوردستان ڕادەگەیەندرێت و پرۆسەی پێشکەشکردن دەست پێدەکات.
4-ئه‌و خوازیارانه‌ی له‌ (تاقیكردنه‌وه‌ی توانستی زانستی) ده‌رچونه‌، به‌ڵام به‌ هۆی نەمانی كورسی خوێندن وه‌رنه‌گیراون، ئەوا له‌ خولی داهاتووی مانگی شەشی ئەمساڵ سەرپشک دەکرێن بۆ‌ ئه‌نجامدانی تاقیكردنه‌وه‌ی زانستی، یان بەو نمرەیەی کە لەخولی یەکەمدا بەدەستیان هێناوە بچنه‌ پێشبركێ له‌سه‌ر كورسیه‌كان، بە مەرجێک لە کاتی دوبارە ئەنجامدانەوەی تاقیکردنەوەی توانستی زانستی ئەوا نمرەی دوایین تاقیکردنەوەی بۆ هەژمار دەکرێت.

ئەنجامەکانی ماستەرو دکتۆرا رادەگەیەنرێت

تاقیکردنەوەکانی پۆلی شەشەمی ئامادەیی لە هەرێم دەستپێدەکات

شاخەوانانی کوردستان لە مەترسییەک ئاگادار دەکرێنەوە

سوپای ئیسرائیل هۆشداری بەپەلە ئاراستەی دانیشتوانی باشوری لوبنان دەکات

رۆژێک پشووی فەرمی راگەیەندرا

تاوە باران دەبارێت

نرخی دینار بەرانبەر بە دۆلار دادەبەزێت

ئەستێرەکان

دینە بەمشێوەیە یادی ٣٨ ساڵەی لەدایكبونی كردەوە

بانە ١٢٣٤ بڵاو دەکاتەوە

نوێترین دەرکەوتنی هونەرمەند لەیلا فەریقی

ماڵی هونەرمەند عەلی ئەحمەد سووتا

بۆکان هەورامی بەرهەمێکی نوێ بڵاو دەکاتەوە