وەزیری تەندروستی هەرێم لەسەر تووشبوونی بە کۆرۆنا روونکردنەوە دەدات

‌
لە کۆنگرەی رۆژنامەگەری دوێنێی وەزیری تەندروستی عێراق و وەزیری تەندروستی هەرێم و چەند بەرپرسێکی عێراقی، چەندجارێک د. سامان بەرزنجی وەزیری تەندروستی هەرێم دەمووچاوی دەسڕێت، لە روونکردنەوەیەکدا ئەو دەنگۆیانە رەتدەکاتەوە کە تووشی ڤایرۆسی کۆرۆنا بووبێت.


د. سامان بەرزنجی وەزیری تەندروستی هەرێمی كوردستان لە لێدوانێكیدا ڕیگەیاند”سوپاس بۆ خودا تەندروستیم باشە و ئەو دەنگۆیانەی لێرە و لەوێ بڵاودەكرێنەوە جگە لە پڕوپاگەندە هیچی تر نین”.


ئەو لێدوانە کە ماڵپەڕی " ناس کوردی " راگەیاندووە، وەڵامدانەوەیەکە بۆ ئەو حاڵەتەی كە لە میانی كۆنگرە ڕۆژنامەوانییەكەی لەگەڵ وەزیری تەندروستی عیراق لە بەغدا، دەردەكەوێت چەند جارێك ئارەقی ناوچاوانی دەسڕێت.


د. سامان بەرزنجی لەوبارەیەوە وتی:”پلەی گەرمی هۆڵەكە بەرز بوو، ئەوەش بووە هۆی ئەوەی ئارەق بكەمەوە”.
 



PM:09:46:07/03/2020






ئەستێرەکان

Spee Media