مەرزی پەروێزخان بۆ ماوەیەکی کاتی دادەخرێت

‌
بەمەبەستی ڕێکخستنەوەی کاروبارەکانی تایبەت بە جموجۆڵی بازرگانی و توندوتۆڵكردنی ڕێكاره‌كانی خۆپارێزی له‌ ڤایرۆسی كۆرۆنا مه‌رزی نێوده‌وڵه‌تی په‌روێزخان داده‌خرێت. 

ڕاگەیاندنی کۆمەڵگای دەروازەی نێودەوڵەتی پەروێزخان له‌ ڕاگه‌یه‌ندراوێكدا ئاماژه‌ی به‌وه‌کردووە" بەمەبەستی ڕێکخستنەوەی کاروبارەکانی تایبەت بە جموجۆڵی بازرگانی لەم کاتەداو توندوتۆڵکردنەوەی ڕێکارەکانی خۆپارێزی لەڤایرۆسی کۆرۆنا، مەرزی نێودەوڵەتی پەروێزخان دادەخرێت".

ڕونیشیكردوه‌ته‌وه‌، مەرزەکە لە کاتژمێر (٨)ی ئەمشەوەوە بۆماوەی (٣٦) کاتژمێر دادەخرێت، هەموو جۆرە جموجۆڵێکی بازرگانی ڕادەگیرێت. 

ڕاگه‌یاندنی مه‌رزی نێوده‌وڵه‌تی په‌روێزخان ئاماژه‌ی به‌وه‌شكروه‌‌" دوای گفتوگۆو ڕاوێژ لەنێوان سەرپەرشتیاری کۆمەڵگای دەروازەی نێودەوڵەتی پەروێزخان و هەریەک لەوەزارەتی دارایی و ئابوری حکومەتی هەرێمی کوردستان و بەڕێوەبەرایەتی گشتی گومرگ و ئیدارەی گەرمیان، ئەم بڕیارە درا".

له‌ ڕاگه‌یه‌ندراوه‌كه‌ی مه‌رزی په‌روێزخاندا ئه‌وه‌ش هاتوه كه‌، ئامانج لە بڕیارەکەش توندوتۆڵکردنەوەی ڕێکارەکانی خۆپارێزییە بەرامبەر بەڤایرۆسی کۆرۆنا. 
 



PM:08:16:14/03/2020






ئەستێرەکان

Spee Media