وەزیری تەندروستی هەرێم هەواڵی دڵخۆشکەر رادەگەیەنێت

‌


وە‌زیری ته‌ندروستی حكوومه‌تی هه‌رێمی كوردستان رایگەیاند " به‌هه‌مان شێوه‌ی دهۆك و سلێمانی له‌ماوه‌یه‌كی نزیكدا هه‌واڵی دڵخۆشكه‌ر له‌باره‌ی هه‌ولێر ڕاده‌گه‌ینین"


د. سامان به‌رزنجی، بە ماڵپه‌ڕی فه‌رمیی پارتی دیموكراتی كوردستان راگەیاندووە "ڕاسته‌ له‌ سلێمانی و دهۆك هه‌واڵی دڵخۆشكه‌ر هه‌ن له‌باره‌ی كۆنترۆڵی نه‌خۆشی كۆرۆنا و به‌هه‌مان شێوه‌ش له‌ماوه‌یه‌كی نزیكدا له‌ هه‌ولێریش هه‌واڵی دڵخۆشكه‌ر ده‌بیستن، هه‌وڵه‌كانیش به‌رده‌وامه‌ بۆ ئه‌وه‌ی ئه‌و نه‌خۆشیه‌ به‌ته‌واوی كۆنترۆڵ بكرێت".


وەزیری تەندروستی دەشڵێت "تووشبووان به‌رده‌وام له‌چاكبوونه‌وه‌دان و به‌رده‌وام ڕێژه‌یان زیاد ده‌كات، هه‌ر ئه‌مڕۆش دواین ئاماری چاكبووان ئاشكرا ده‌كه‌ین و ئه‌وانه‌ی هه‌ڵگری ڤایرۆسه‌كه‌ن دۆخی ته‌ندروستیان زۆر باشه‌.


د. سامان بەرزنجی وتیشی، "ئه‌و 11 گه‌ڕه‌كه‌ی هه‌ولێر كه‌ره‌نتین نه‌كراون و ته‌نیا گه‌ڕه‌كه‌كانیان داخراون و ناوه‌ ناوه‌ش پشكنینی به‌شێكیان ئاشكرا ده‌كرێت و له‌ماوه‌ی 14رۆژیش هه‌موو ئه‌نجامه‌كانیش ده‌رده‌چن".
 



PM:01:08:09/04/2020






ئەستێرەکان

Spee Media