پارێزگاری هەولێر: مەترسیەکە بەردەوامە مزگەوتەکان ناکرێنەوە

‌


پارێزگاری هەولێر لەنێو ژمارەیەک مامۆستای ئاینی رایگەیاند " بە گوێرەی رێنماییەکان ئەو پەتایە مەترسییەکانی بەردەوامە، بۆیە لە ئێستادا دەرگای مزگەوتەکان ناکرێنەوە".


فرسەت سۆفی، پارێزگاری هەولێر ئەمڕۆ دوو شەممە لەنێو پیاوانی ئاینی هەولێرد لە کۆنگرەیەکی رۆژنامەگەریدا رایگەیاند' " ئەگەر هاوکاری و هەماهەنگی لە نێوان هاوڵاتیان و دەزگاکانی دەوڵەتدا بەم شێوەیەی ئێستا بەردەوام بێت و رێکارە خۆپارێزییەکان جێبەجێبکرێن، هەمو لایەک دڵنیا دەکەنەوە لە زوترین کاتدا دەرگای مزگەوت و شوێنە ئاینییەکانی دیکە دەکرێننەوە".


پارێزگاری هەولێر داوا لە مامۆستایانی ئاینی دەکات کەمێکی دیکە خۆڕاگر و پشودرێژتر بن ئەو دۆخە تێدەپەڕێنین و دەرگای مزگەوتەکان دەکرێنەوە.


فرسەت سۆفی ئاشکرای کرد، زیاتر لە دو هەزار پشکنین بۆ بەرکەوتوانی توشبوەکەی تەلار ستی لە هەولێر و سۆران کراون، لەبەر ئەوە ئێستا گەیشتوینەتە ئەوەی دڵنیای بین کە بەرکەوتوەکانی پاککراونەتەوە، بەڵام بەهۆی بونی بەرکەوتن و هاتوچۆ لە خاڵەسنوریەکان  پارێزگاکانی تر و کەمپی ئاوارە و پەنابەران، بۆیە کۆنتڕۆلکردنی پایتەخت "ئاسان نیە".
 



PM:12:51:04/05/2020






ئەستێرەکان

Spee Media