دوو ئارایشتگا لە سلێمانی دادەخرێن

‌
به‌هۆی پابه‌ند نه‌بون به‌ رێنماییه‌كانی خۆپارێزی له‌ ڤایرۆسی كۆرۆنا، لیژنه‌ هاوبه‌شه‌كانی قائیمقامیه‌تی سلێمانی دو ئارایشتگا داده‌خات.
 
شاتۆ حسێن، سه‌رۆكی لیژنه‌ی ئارایشتگاكانی سه‌ر به‌لیژنه‌ هاوبه‌شه‌كانی قایمقامیه‌تی سلێمانی رایگه‌یاند" به‌هۆی پابه‌ندنه‌بون به‌ رێنماییه‌كانی ژوری خۆپارێزی له‌ ڤایرۆسی كۆرۆنا، لیژنه‌كه‌ هه‌ردو ئارایشتگای ئیلاف و گوڵی مینا له‌ شاری سلێمانی داخست".

ئاماژەی بەوەشکرد" به‌پێی ئه‌و مه‌رج و رێنماییانه‌ی به‌ ئارایشتگاكان دراوه‌ بۆ كاركردن، پێوسته‌ شه‌وان شوێنه‌كه‌یان دابخه‌ن و كاری تێدا نه‌كرێت، به‌ڵام هه‌ردو ئارایشتگاكه‌ سه‌رپێچیان كردوه‌ و شوێنه‌كه‌یان كراوه‌بوه‌ بۆ رازاندنه‌وه‌ی خانمان، ئه‌مه‌ش پێچه‌وانه‌ی رێنماییه‌كانه‌".

شاتۆ حسێن باسی لەوەشکرد، یه‌كێكی تر له‌ رێنماییه‌كانی كردنه‌وه‌ی شوێنه‌كان، لابردنی كورسی میوان و چاوه‌ڕوانییه‌ بۆ ئه‌وه‌ی قه‌ره‌باڵغی دروست نه‌بێت، به‌ڵام هه‌ردو ئارایشتگای ئیلاف و گوڵی مینا كورسی چاوه‌ڕوانیان لانه‌بردوه‌.

رونیشیكرده‌وه، به‌مه‌به‌ستی به‌دواداچون بۆ جێبه‌جێكردنی بڕیاره‌كانی ژوری خۆپارێزی له‌ ڤایرۆسی كۆرۆنا، لیژنه‌ی باڵای ئۆپراسیۆنی شاری سلێمانی لیژنه‌ هاوبه‌شه‌كانی راسپاردوه‌ بۆ جێبه‌جێكردن، له‌كاتی هه‌بونی سه‌رپێچییدا، شوێنه‌كه‌ و خاوه‌نه‌كه‌شی روبه‌ڕوی رێكاری یاسایی ده‌كرێته‌وه‌.


PM:03:32:04/05/2020






ئەستێرەکان

Spee Media