سکرتێری سەرکردایەتی یەکێتی: پارتی تووشی نەخۆشیەکەی یەکێتی بووە

‌
سكرتێری ئه‌نجومه‌نی سه‌ركردایه‌تی یه‌كێتیی نیشتمانیی كوردستان پێووایەی پارتی تووشنی نەخۆشیەکەی پێشووی یەکێتی بووەو ئێستا دوو باڵەو دەڵێت"پارتی دیموكراتی كوردستان بووه‌ته‌ دوو باڵ".


له‌ چاوپێكه‌وتنێكدا له‌گه‌ڵ به‌شی كوردی ده‌نگی ئه‌مه‌ریكا كه‌ ئه‌مڕۆ سێ شه‌ممه‌ بڵاوكراوه‌ته‌وه‌، "فه‌رید ئه‌سه‌سه‌رد" سكرتێری ئه‌نجومه‌نی سه‌ركردایه‌تی یه‌كێتی رایگه‌یاندووه‌ "تێڕوانینی ئێمه‌ وایه‌ ئێستا پارتی بووه‌ته‌ دوو باڵ، هه‌موو جارێك كه‌ باسیشیان ده‌كه‌ین ده‌ڵێین ئه‌وان وه‌كو پێشتری ئێمه‌یان لێهاتووه‌، پێش كۆنگره‌ی چواره‌م، ئه‌و كێشانه‌ی كه‌ له‌ناو ئه‌واندا هه‌یه‌، ئێمه‌ توانیمان له‌ كۆنگره‌دا چاره‌سه‌رییان بكه‌ین، به‌ڵام نه‌خۆشیه‌كه‌ی پێشتری ئێمه‌ گواستراوه‌ته‌وه‌ بۆ ناو پارتی".


ئەنجوومەنی سەرکردایەتی یەکێتی باس لەوەش دەکات کە هیوادارن ئەوان چۆن توانیمان كێشه‌كانیان چاره‌سه‌ر بكه‌ن، پارتیش به‌وشێوه‌یه‌ی كه‌ به‌ گونجاوی ده‌زانن كێشه‌كانیان چاره‌سه‌ر بكه‌ن.


فەرید ئەسەسەر دەشڵێت "ئێمه‌ وه‌ك یه‌كێتی كێشه‌یه‌كی دیكه‌مان بۆ دروستبووه‌، ئه‌ویش ئه‌وه‌یه‌ كه‌ ئێستا مامه‌ڵه‌ له‌گه‌ڵ لایه‌نێكدا ده‌كه‌ین كه‌ هه‌مان نه‌خۆشی پێشتری ئێمه‌ی هه‌یه‌ له‌م هه‌لومه‌رجه‌ی ئێستایاندا، ئێمه‌ وه‌ك یه‌كێتی پێمان باشه‌ وه‌ هه‌وڵده‌ده‌ین دۆستایه‌تی له‌گه‌ڵ هه‌ردوو باڵه‌كه‌ی پارتی باش بێت".


جەخت لەسەر ئەوەش دەکاتەوە "ئه‌وه‌ی له‌ رێكه‌وتی 7 ی 5 ی 2020 له‌ په‌رله‌مانی كوردستان روویدا و ئه‌وه‌ی قسه‌كانی كرد، له‌سه‌ر گروپێكی پارتی حساب ده‌كرێت، نه‌ك هه‌موو پارتی، وه‌ ئه‌وانه‌ی زۆرجار قسه‌ له‌سه‌ر سه‌ركردایه‌تی یه‌كێتی ده‌كه‌ن گروپێكی ناو پارتییه‌، نه‌ك هه‌موو پارتی".
 



PM:12:33:12/05/2020






ئەستێرەکان

Spee Media