لەسەرتاسەری هەرێمی کوردستان پڕۆسەی تاپۆكردنی یەكەكانی نیشتەجێبوون چووە بواری جێبەجێكردنەوەو، هاووڵاتیان دەتوانن دەست بە مامەڵەی تاپۆكردن بكەن.
محەمەد شوكری، بەڕێوەبەری گشتی وەبەرهێنەرانی هەرێم رایگەیاندووە" ١٦٧ هەزار خانوو و شوقەی نیشتەجێبوونی بێ تاپۆ لە هەرێمی كوردستان هەیە و، لە ئەمڕۆوە پڕۆسەی تاپۆكردنیان لە كەرتی وەبەرهێنان چووە بواری جێبەجێكردنەوە، هاووڵاتیان و وەبەرهێنەرانیش دەتوانن دەستبكەن بە مامەڵەی تاپۆكردنیان".
بەڕێوەبەری گشتی وەبەرهێنەرانی هەرێم کە بە کوردسات نیوزی راگەیاندووە، باس لەوەش دەکات" بە تاپۆكردنی یەكەكانی نیشتەجێبوون داهات بۆ حكومەتی هەرێم دەگەڕێتەوە و هاووڵاتیانیش سودمەند دەبن لە كڕین و فرۆشتنی یەكەكانی نیشتەجێبوون و ڕزگاریان دەبێت لە كێشەی كۆمەڵایەتی و چەند جار فرۆشتنەوەی شوێنی نیشتەجێبوونیان."