مەریوان قانع: پارتی لە مێژە لەوە کەوتوە حیزبێکی سیاسیی بێت

‌


توێژەری سیاسی و مامۆستای زانکۆ د. مەریوان قانع دەڵێت " پارتی لە مێژە لەوە کەوتوە حیزبێکی سیاسیی بێت".


د. مەریوان قانع لە نووسینێکی کورتدا لە تۆڕی کۆمەڵایەتی فەیسبووک بەناونیشانی "پارتی دیموکراتی کوردستان لە ٧٤ ساڵەی تەمەنیدا" نووسیوویەتی " دوای ٧٤ ساڵ تەمەن، ئێستا ئیتر پارتی دیموکراتی کوردستان لەوە کەوتوە حیزبێکی سیاسبێت لە ڕێگای بنەماڵەی بارزانییەوە حوکمڕانیی بکات، بەڵکو پێچەوانەکەی لە ئارادایە، واتە پارتی دیموکراتی کوردستان ھێزێکە بنەماڵەی بارزانی لەڕێگای ئەوەوە حوکمڕانیی دەکات".


ئەو توێژەرە دەڵێت "لە دۆخی یەکەمدا باس لە حیزبێکی سیاسیی دەکەین لە ڕێگای یەکێک لە گروپە کۆمەڵایەتییەکانیی ناو کۆمەڵگاوە بەرنامە و دونیابینییەکەی خۆی دەخاتەگەڕ و پیادەدەکات. لە دۆخی دووھەمیاندا باس لە گروپێکی کۆمەڵایەتیی دیاریکراو دەکەین لە ڕێگای حیزبێکی سیاسییەوە دەسەڵاتی خۆی دەسەپێنێت. پارتی لە مێژە لەوە کەوتوە حیزبێکی سیاسیی بێت بیەوێت لە ڕێگای بنەمالەی بارزانییەوە بەرنامە و ڕوانینەکانی خۆی پیادەبکات، بەڵکو بە تەواوی گۆڕاوە بۆ ئامرازێک بە ھۆیەوە بنەماڵەی بارزانی دەسەڵات و خواستی خۆیان دەسەپێنن. ئەمەش دیوێکی گرنگیی ئەو تراژیدیا سیاسییە گەورەیەیە ئەو حیزبە لە تەمەنی ٧٤ ساڵیدا تێیکەوتوە".
 



PM:11:21:15/08/2020






ئەستێرەکان

Spee Media