پەرلەمان دەست بەدانیشتنەکانی پایزەی خۆی دەکات

‌


بڕیارە ئەمڕۆ چوار شەممە ٢ی ئەیلول کاتژمێر ١١ پەرلەمانی کوردستان دەست بە کۆبوونەوەکانی خوولی پایزەی خۆی بکات.


لە کۆبوونەوەی ئەمڕۆدا جگە لە خوێندنەوەی وتاری سەرۆکی پەرلەمان بەبۆنەی دەستپێکردنەوەی خوولی نوێوە، هەروەها خوێندنەوەی دووەم بۆ پێشنیازی یاسای(ماف و ئه‌ركی نه‌خۆش له‌ هه‌رێمی كوردستان)ئەنجام دەدات.


ئەم پرۆژە یاسایە دوای تەواوبوونی خوێندنەوەی دووەم، خوێندنەوەی سێهەمیشی بۆ دەکرێت و دواتر دەخرێتە دەنگدانەوە.


کۆبوونەوەکان لەکەشێکدا دەستپێکدەکات کە هەفتەیەک لەمەوبەر ژمارەیەک پەرلەمانتار لەسەر بڕینی مووچەی مووچەخۆران، واژووی زیاتر لە ٢٠ پەرلەمانتاریان بۆ بانگێهشتکردنی مەسرور بارزانی  سەرۆکی حکومەت و قوباد تاڵەبانی جێگرەکەیان کۆکردەوە، بەڵام سەرۆکایەتی پەرلەمان بە بەهانەی کەموکوڕی یاسایی یاداشتەکەی گەڕاندەوە.
 



AM:09:46:02/09/2020






ئەستێرەکان

Spee Media