مەلا بەختیار: لەو ١٢٠ ئەندامەی سەركردایەتی هەندێك لەوانە پاسەوانم بوون خواخوایان بوو رەسمم لەگەڵ بگرن

‌


 مەلا بەختیار ئەندامی ئەنجومەنی باڵای سیاسی یەكێتی و بەرژەوەندییەكانی یەكێتیی نیشتمانیی كوردستان رایگەیاند" كە ئێمە پێشمەرگەبووین لەو ١٢٠ ئەندامەی ئەنجومەنی سەركردایەتی یەكێتی یەك كەسیان پێشمەرگە نەبوون و كەسـیشیان سـەركردایەتی نەبوون،  هەندێك لەوانە پاسەوانم بوون خواخوایان بوو رەسمم لەگەڵ بگرن" .


لە چاوپێکەوتن لەگەڵ کەناڵی رووداو، مەلا بەختیار دەڵێت " کاتێکی زۆرمان لەبەردەم نەماوە و پێویستە پارتی و یەکێتی رێککەوتنێکی نوێ واژۆبکەن، ئەگەرنا لەبەردەم مەترسی لەناوچوندان.


لەبارەی رێککەوتنەکەشەوە وردەکاری زیاتری بڵاوکردەوەو رایگەیاند، لەئێستادا پارتی دیموکراتی کوردستان و یەکێتی نیشتیمانی کوردستان پێویستیان بەرێککەوتنێکی نوێیە، ئەگەر فریانەکەون چارەنوسیان لەبەردەم تەقینەوەی دۆخی خراپی ناوخۆ، پیلانی وڵاتانی ناوچەکە و رێککەوتنی وڵاتانی هەرێمی لەگەڵ وڵاتانی زلهێزدایە.


لەبارەی سەردانەکەی مستەفا کازمی سەرۆک وەزیرانی عیراق بۆ پارێزگاکانی هەرێم، مەلابەختیار رایگەیاند، کازمی کەمترین کاتی بەکۆبونەوەی پارێزگاکان داوە تەنها ویستی بڵی "هاوشێوەی ناوچە سنورییەکانی دیکە، دەتوانێت هەموژمونی حکومەتەکەی بەسەر تەواوی ناوچە سنورییەکاندا دەسەپێنێت."



مەلا بەختیار لەو چاوپێکەوتنەیدا ئاشکراشیکرد کە ئەو بانگهێشت نەکراوە بۆ کۆبونەوەکەی مێرگەپانی نێوان سەرۆک کۆمار و کازمی، بەڵام بەشێوەیەکی گشتی یەکێتی بانگهێشتکرابو.
 



PM:10:19:12/09/2020






ئەستێرەکان

Spee Media