ئەندامێکی لیژنەی دارایی له پەرلەمانی عێراق ڕایدهگهیهنێت" ئهگهری زۆره هەفتەی داهاتوو پارهى مووچهى فهرمانبهران بگاته هەرێمی کوردستان".
هۆشیار عەبدوڵڵا، ئەندامی لیژنەی دارایی له پەرلەمانی عێراق ڕایگەیاند" ئهگهری زۆر ههیه هەفتەی داهاتوو پشكی ٣٢٠ ملیار دینارەكەی بەغداد بۆ موچهی فهرمانبهران دەگاتە هەرێمی كوردستان".
وتیشی" لەگەڵ دابەشكردنی مووچەی خۆی، عێراق پشكی هەرێمی كوردستانیش دەنێرێت".
پێشتر حکومەتی هەرێمی کوردستان بڕیاریدابوو بۆ ئەو سێ مانگەی بەپێی رێککەوتنی هەولێر و بەغدا ٣٢٠ ملیار بۆ هەرێمی کوردستان دێت، مووچە بە لێبڕینی ٢١% دابەش بکات، بەڵام بەپێی بڕیارێکی وەزارەتی دارایی هەرێم ئەم مانگە بە لێبڕینی ١٨% مووچەی مانگی ٤ی فەرمانبەران دابەشدەکرێت.