پەرلەمانی کوردستان کۆبوونەوەکەی لەسەر یاسای قەرز دواخست

‌


سەرۆکایەتیی پەرلەمانی کوردستان، ئاگادارییەکی بڵاوکردەوە کۆبوونەوەی سبەی سێشەممەی پەرلەمان کە بڕیار بوو بە ئامادەبوونی شاندی حکوومەتی هەرێمی کوردستان بەڕێوە بچێت، بۆ کاتێکی نادیار دوا خراوە.


لە ڕاگەیەندراوەکەی ده‌سته‌ی سه‌رۆكایه‌تیی په‌رله‌مانی كوردستان کە لەپەیجی پەرلەمان خۆی دابەزیووە ئاماژە بۆ ئەوە دەکات "دەستەی سەرۆکایەتیی پەرلەمانی كوردستان بڕیاری دا به ‌دواخستنی دانیشتنی ژماره‌ (10)ی ئاسایی خولی پایزه‌ی ساڵی دووه‌م له‌ خولی پێنجه‌می هه‌ڵبژاردنی په‌رله‌مان بۆ كاتێكی تر، كه‌ بڕیار بوو كاتژمێر (11)ی پێشنیوه‌ڕۆی رۆژی سێشه‌ممه‌‌ رێكه‌وتی 2020/11/17 به‌ڕێوه ‌بچێت".


 هێمن هەورامی، جێگری سەرۆکی پەرلەمانی کوردستانیش ئەمڕۆ دووشەممە ١٦ی تشرینی دووەم لە کۆنگرەیەکی رۆژنامەگەریدا رایگەیاند " لەبارەی ئەو  پێشهاتە داراییانەی کە لە نێوان حکوومەتی هەرێمی کوردستان و حکوومەتی بەغدا هاتوونەتە پێشەوە، لایەنی حکوومەتی هەرێمی کوردستان داوایان کردووە هەندێ کاتی زیاتریان پێ بدرێت بۆ ئەوەی ڕاپۆرتێکی تیروتەسەل لەبارەی ئەو بارودۆخە داراییە ئامادە بکەن هەتا لە کۆبوونەوەکەی پەرلەمانی کوردستاندا بیخەنە ڕوو".
 



PM:12:12:16/11/2020






ئەستێرەکان

Spee Media