نەوتی عێراق بەرزترین نرخ تۆمار دەکات

‌
عێراق رایدەگەیەنێت نەوتەکەی لە بازاڕەکانی جیهانی نەوتدا بەرزترین نرخی تۆمار دەکات و، هەر بەرمیلێک نەوتی برنت بەردەبێتەوە بۆ ٧٠ دۆلار.
 

 ئاژانسی هەواڵی عێراق ئەمڕۆ هەینی ١٢ ی ئازار بڵاویکردەوە، نرخی نەوتی خاوی عێراقی گەیشتە ٧٠ دۆلارو ئەوەش بەرزترین ئاستە لەماوەی ١٤ مانگی رابردودا کە تۆماری کردبێت.



ئەوە لە کاتێکدایە نرخی یه‌ك به‌رمیل نه‌وتی برنت له‌ بازاڕه‌ جیهانییەکان، به‌ ٦٩ دۆلار و ٤٤ سەنت  مامه‌ڵه‌ی پێوه‌كراوە، نەوتی خاوی ئەمریکاش بە ٦٥ و ٧٩ دۆلار مامەڵەی پێوە کراوە.


بەردەوامی لەسەر کەمکردنەوەی یەک ملیۆن بەرمیل نەوتی سعودیە، هاوکات پەسەندکردنی پاکێجی پشتیوانی بە بەهای ١،٩ ترلیۆن دۆلار بۆ روبەڕوبونەوەی کۆرۆنا لەلایەن ئەنجومەنی پیرانەوە کاریگەری لەسەر ئاساییبونەوەی ئابوری جیهان  و بەرزبونەوەی نرخی نەوت هەیە.
 



PM:04:20:12/03/2021






ئەستێرەکان

Spee Media