سەرۆک وەزیرانی نوێی عێراق لە رێگای زیادکردنی مادەی سەبەتەی خۆراکی خێزانەکان، هەوڵ دەدات نرخی خۆراک داگرێت.
نوسینگەی محەمەد شیاع سوودانی سەرۆک وەزیرانی عێراق ئەمرۆ هەینی ٤ ی تشرینی دووەم راگەیەنراوێکی بڵاوکردەوە و تیایدا هاتووە، پێویستە لەسەر حکومەت ماددە خۆراکییەکانی فۆڕمی خۆراکی هاوڵاتییان دەستەبەربکات.
هەروەها هاتووە " پێویستە بەگوێرەی ئەو کاتانەی دیاریکراوە بەشە خۆراکی هاوڵاتییان بەسەریاندا دابەشبکرێت بە ئامانجی سەقامگیری ئاسایشی کۆمەڵایەتی و بارسوکی لەسەر شانی هاوڵاتییان".
محەمەد شیاع سوودانی داوای لە وەزارەتی بازرگانی کردووە جۆر و کواڵێتی ماددە خۆراکییەکانی بەشە خۆراکی هاوڵاتییان باشتر بکەن و هەوڵبدەن ماددی دیکەشی بۆ زیادبکەن بە ئامانجی دابەزاندنی نرخی خۆراک لە بازاڕەکاندا.( راگەیاندنەکە).