حكومەتی عێراق بڕیاریدا بە قەدەغەكردنی هاوردەكردنی بەروبومی تەماتە لە سەرجەم دەروازە سنورییەكانەوە.
حەمید نایف، وتەبێژی وەزارەتی كشتوكاڵ لەڕاگەیەندراوێكدا رایگەیاندوە، بە پشتبەستن بەو داواكارییەی كە عەباس عەلیاوای وەزیری كشتوكاڵ، پێشكەشی ئەنجومەنی وەزیرانی ئابوری كرد سەبارەت بە ڕێگریكردن لە هاوردەكردنی بەروبومی تەماتە بەهۆی بەردەستبونی بەرهەمی ناوخۆیی، ئەنجومەنی وەزیرانی ئابوری ئەم داواكارییەی پەسەند كرد.
نایف ئاماژەی بەوەكردووە، پەسەندكردنەكە لە ئەنجامی زیادكردنی بەرهەمی تەماتەیە لە پارێزگاكانی نەجەف و كەربەلا كە گەیشتوەتە لوتكەی بەرهەمی خۆی، ڕەزامەندییەكەش بە مەبەستی پاراستنی بەرهەمی ناوخۆیی و هاندانی جوتیارانە.