عەلی عەلاق پارێزگاری بانکی ناوەندی عێراق، ئەمڕۆ پێنج شەممە لە دووەمین رۆژی دیداری سلێمانی پانێڵکی پێشکەش کرد و ڕایگەیاند" زۆر رێکارمان لەبەردەمە بۆ مامەڵەکردن لەگەڵ ناجێگیری نرخی دۆلار، بەڵام ئێمە نامانەوێت رێکارەکان مەترسی لەسەر پارەی نەقدی و بازار دروست بکات".
ئاماژەی بەوەشکرد، بانکی ناوەندی لەگەڵ حکومەتی فیدراڵ کاردەکات بۆ ئەوەی نرخی دۆلار جێگیربکرێت و مامەڵەکردنیش بە دراوی نەقدی کەمبکرێتەوە.
دەشڵێت" هەوڵەکانمان چڕکردوەتەوە بۆ ئەوەی مامەڵەکردن بە دراو بکرێت بە کارتی بانکی و لە هەموو مامەڵەکانی ناوخۆی عێراقیشدا تەنها دینار بەکاربهێنرێت".