کەشناسیی عێراق پێشبینی دەکات، لە مڕۆوە پلەکانی گەرما بەرزدەبنەوە، دوو شەممە و سبەی سێ شەممە و چوار شەممە پلەی گەرمای زۆرێک لە شارەکانی عێراق لە نێوان ٥٠ پلە تا ٥٢ پلە بێت، هەرێمی کوردستانش لە نێوان ( ٤٥- ٤٨ ) پلە بێت.

دەستەی کەشناسی و بوومەلەرزەزانی عێراق، پێشبینی دەکات کاریگەرییەکانی نزمە پاڵەپەستۆی وەرزی کە عێراقی گرتۆتەوە بەردەوام دەبێت، بەتایبەتی لە رۆژانی سێشەممە و چوارشەممەدا پلەکانی گەرما لە زۆرێک لە پارێزگاکانی باشوور و ناوەڕاستی عێراق دەگەنە نزیک ٥٢ پلەی سیلیزی.

لە راگەیاندنەکەدا هاتووە؛ پارێزگاكانی بەغداد و ئەنبار، پلەی گەرما دەگاتە ٥٠ پلە و لە پارێزگاكانی نەجەف، میسان، زیقار و بەسرە پلەكانی گەرما دەگەنە ٥١ پلەی سیلیزی، لە هەرێمی کوردستانیش خانەقین و گەرمیان بەرزترین پلەی گەرما تۆمار دەکەن.

کەشناسی داوا لە هاوڵاتیان دەکات کە خۆیان دووربگرن لەوەی راستەوخۆ تیشکی خۆریان بەربکەوێت و دژە خۆر بەکاربهێنن.

هەروەها داواش دەکات ئاو زۆر بخۆنەوەو لە کاتە گەرمەکاندا لە ماڵەوە بمێننەوەو نەچنە دەرەوە.