لەسەرەتای مانگی تەمموزەوە دەستدەکرێت بە زیادکردنی مووچەی خانەنشینی کرێکاران لە عێراق و زیادکردنەکە بەبڕی ١٥٠ هەزار دینار دەبێت.
نەجم ئەلعقابی، وتەبێژی کاروکاروباری کۆمەڵایەتی عێراق بەرۆژنامەی (سەباحی) راگەیاندووە" لەسەرەتای مانگی تەمموزەوە دەستدەکرێت بە زیادکردنی مووچەی خانەنشینی کرێکاران لە عێراق و بە گوێرەی خشتەیەکی دیاریکراو دەکەوێتە بواری جێبەجێکردنەوە.
راشیگەیاندووە" زیادکردنەکە بەبڕی ١٥٠ هەزار دینار دەبێت و ئەو خانەنشینە کرێکارانە دەگرێتەوە کە مووچەیان نزیکەی ٣٥٠ هەزار دینارە".
ئاماژەی بەوەشکردووە کە بە گوێرەی یاسا کەمترین مووچە ٥٠٠ هەزار دەبێت و زیاترین مووچەش بۆ کرێکارانی خانەنشین ٧٠٠ هەزار دینار دەبێت.
بە وتەی نەجم ئەلعقابی ئەو زیادکردنە ، مووچەی چاوەدێری کۆمەڵایەتی ناگرێتەوە.